Илсур Метшинның рәсми сайты Шәхси бите Илсур Метшинның шәхси бите
Кадр артында
Рәсми бит Рәсми бит
Илсур Метшин – үзенчәлекле балалар аналарына: «Сезнең һәрберегез рәхмәт һәм соклану сүзләренә лаек»

Илсур Метшин – үзенчәлекле балалар аналарына: «Сезнең һәрберегез рәхмәт һәм соклану сүзләренә лаек»

Шәһәр мэры инвалид балаларны тәрбияләүче хатын-кызлар белән очрашты
алга таба укырга
Яңалыклар

Илсур Метшин хай-дайвинг буенча дөньядагы иң көчле спортчы кызларны бүләкләде

Илсур Метшин хай-дайвинг буенча дөньядагы иң көчле спортчы кызларны бүләкләде
Денис Гордийко фотосы

(Казан шәһәре KZN.RU, 4-нче август, Альберт Мортазин). Бүген Казансу елгасы яры буендагы ярыш мәйданчыгында хатын-кызлар арасында хай-дайвинг буенча дөнья финалы тәмамланды. 20 метрлы каланчадан суга сикерү ярышларында җиңүчеләргә бүләкләрне Казан Мэры Илсур Метшин һәм ФИНА президенты Хулио Маглионе тапшырды.

Турнирда 6 илдән барлыгы 9 спортчы катнашты. Финалда катнашырга теләгән Украина спортчысы Диана Томилина күнекмәләр вакытында травма алу сәбәпле, үз кандидатурасын кире алды, шунлыктан ярышта 9 спортчы гына чыгыш ясады. АКШ җыелма командасы ярышларга берьюлы 4 спортчы җибәргәнлектән, аларның медальгә булган шанслары тагын да яхшырды.

Киеренке көрәш нәтиҗәләре буенча ярышта Америка спортчысы Рэйчел Симпсон җиңү яулады. Икенче урында аның ватандашы - Сесилии Картон. Белоруссия спортчысы Яна Нестерова – бронза медаль иясе.

Иртәгә, ягъни 5-нче август көнне ир-атлар арасында хай-дайвинг буенча финал ярышлары үтә. 27 метрлы каланчадан суга сикерү ярышларында 20 спортчы, шул исәптән россиялеләр Артем Сильченко һәм Игорь Семашко катнаша.

Хәзерге вакытта Россия гомуми медаль зачетында 13 бүләк – 8 алтын, 4 көмеш һәм 1 бронза медаль белән икенче урында тора.

Узган яңалык
И.Метшин: “ФИНА паркы – бөтен Казанның көзгедәге чагылышы кебек”
Алдагы яңалык
Илсур Метшин: “Казан Россиягә горурланыр өчен сәбәп бирә”
Кадр артында
Рәсми бит