Илсур Метшин: «Без — шәһәргә булган мәхәббәтебез берләштергән бердәм команда»
алга таба укырга-
Татарстанда 25 декабрьдән янгынга каршы махсус режим гамәлгә кертелә
-
Шәһәр башлыгы һәр чыршы шәһәрчегенә район хакимиятеннән җаваплы кешене беркетергә кушты
-
Казанда каникулларда 54 дежур бригада һәм 100 махсус техника эшлиячәк
-
Казан мэры: «Һәркем үзенең хәрби яктан тотрыклы булмаган вакытта яшәвен аңларга тиеш»
-
Казанда үзәк чыршы шәһәрчегенең өзлексез эшләвен дежур төркемнәр күзәтәчәк
-
Илсур Метшин: «Шәхси состав оператив эшләде һәм хезмәтен дәвам итәчәк»
-
Казан мэры торак йортларның подвалларында бөтен яшеренү урыннарын тиешле хәлгә китерергә таләп итте
-
Казан Мэры кушуы буенча Клара Цеткин урамындагы 31а йортның түбәсен һәм зыян күргән фатирларны ремонтлаячаклар
-
Илсур Метшин ПОА һөҗүменнән зыян күргән йортларда яшәүчеләр белән әңгәмә кушымталарында аралашу төркемнәре булдырырга тәкъдим итте
-
Казан мэры: «Безнең алда гадәттән тыш хәл нәтиҗәләрен мөмкин кадәр тизрәк бетерү бурычы тора»
-
Илсур Метшин – үзенчәлекле балалар аналарына: «Сезнең һәрберегез рәхмәт һәм соклану сүзләренә лаек»
-
90нан артык укучы, студент һәм аспирант Казан мэрының исемле стипендияләре белән бүләкләнде
Рөстәм Миңнеханов Германия Федератив Республикасының Россия Федерациясендәге илчесе...
Казан Кремлендә узган очрашуда Илсур Метшин да катнашты.
(Казан шәһәре KZN.RU, 3-нче сентябрь). Кичә Татарстан Республикасы Президенты Рөстәм Миңнеханов Германия Федератив Республикасының Россия Федерациясендәге Гадәттән тыш һәм Тулы вәкаләтле илчесе Рюдигер фон Фрич һәм ФРГ эшлекле даирәләре вәкилләре белән очрашты.
Очрашу Казан Кремлендә узды, чарада Казан Мэры Илсур Метшин да катнашты. Илче әфәнде Казанга Германия-Россия Яңа технологияләр институтын ачуда катнашу өчен килде.
Рюдигер фон Фричны Татарстанда сәламләп, Рөстәм Миңнеханов билгеләп үткәнчә, бүген республика, Россия регионнарының берсе буларак, Германия белән икътисадның күп тармаклары буенча хезмәттәшлек итә. Ул кыскача гына Татарстанның икътисадый һәм сәнәгать потенциалы, төп тармакларның – нефть химиясе, машина төзелеше, агросәнәгать секторының үсеше турында сөйләде. Германия – республиканың тышкы икътисадый партнеры, дип ассызыклады ул, без югары технологияле җайланмалар өлешендә, машина төзелешендә хезмәттәшлек итәбез. Ул «Даймлер», «Мерседес Тракс» һәм башка предприятиеләрне билгеләп үтте. Барлыгы Татарстанда немец бизнесы катнашында 90-нан артык предприятие эшли.
Хезмәттәшлекнең перспектив тармаклары энергетика, медицина, мәгариф булырга мөмкин.
Фән һәм мәгариф өлкәсендәге хезмәттәшлекне ул бик мөһим дип атады. Без Германия-Россия Яңа технологияләр институты проектына зур өметләр баглыйбыз, дип белдерде Рөстәм Миңнеханов. Аның сүзләренчә, бу югары уку йорты студентларга техник белгечлекләр буенча җитди белем алырга мөмкинлек бирәчәк.
Татарстан Президенты шулай ук Германиягә ясаган сәфәре барышында (2013 елның көзе) кунакчыл мөнәсәбәтләре өчен аларга рәхмәт белдерде. Ул чакта Татарстан делегациясе күп кенә сәнәгать предприятиеләрендә булды.
Үз чиратында Германия Федератив Республикасының Россия Федерациясендәге Гадәттән тыш һәм Тулы вәкаләтле илчесе Рюдигер фон Фрич Татарстан Республикасы белән хезмәттәшлекне югары бәяләде.
Очрашу барышында Германия эшлекле даирәләре вәкилләре Татарстан Республикасы белән хезмәттәшлеккә карата тәкъдимнәр әйттеләр. Бу шул исәптән – медицина тармагы, машина төзелеше, мәгариф һәм фәнни-тикшеренү эшчәнлеге өлкәсендә инжиниринг үзәкләре булдыру, дип җиткерелә ТР Президенты сайтында.