Рөстәм Миңнеханов һәм Илсур Метшин Салават күперендә ачылган тәртип саклау җәмәгать пунктында булдылар

(Казан шәһәре KZN.RU, 9 нчы ноябрь). Салават күпере торак районында җәмәгать тәртибен саклау пункты ачылды. Аны Татарстан Президенты Рөстәм Миңнеханов, Казан Мэры Илсур Метшин һәм ТР буенча Эчке эшләр министры Артем Хохорин карады.

Пункт Наил Йосыпов ур., 8 адресы буенча урнашкан. Аның хезмәткәрләре җәмәгать тәртибен саклауны һәм юл хәрәкәте иминлеген тәэмин итү, шулай ук балалар һәм яшүсмерләр арасында хокук бозуларны профилактикалау белән шөгыльләнәчәк. Пунктта 6 участок полиция хезмәткәре, 2 балигъ булмаганнар эшләре инспекторы һәм 2 муниципаль хезмәткәр эшләячәк.

Р.Миңнеханов һәм И.Метшин килүчеләрне кабул итү һәм консультацияләү зонасын, хезмәткәрләрнең эш кабинетларын карап чыкты. Биналарда кирәкле мебель һәм җиһазлар бар, дип хәбәр итә Татарстан Президентының матбугат хезмәте. 

«Залесный» торак массивы һәм «Салават күпере» торак комплексы территориясендә 90 күпфатирлы йорт һәм 2 меңгә якын шәхси торак корылмасы бар, аларда барлыгы 27 меңнән артык кеше яши. 2 нче чират кысаларында «Салават күпере» торак-коммуналь комплексы төзелешенә бәйле рәвештә халык саны тагын 5 меңгә артыр дип көтелә. 

ТР Президенты интенсив үсеп баручы микрорайонда шәһәрлеләрнең куркынычсызлыгын тәэмин итү кирәклеген ассызыклады. Ул өстәмә тәртип саклау пункты ачу өчен тагын бер бина сайларга кушты.

Видеорепортаж