Илсур Метшин июнь ае өчен Идел буе федераль округы субъектлары башкалалары башлыклары медиарейтингының югары баскычын яулады

(Казан шәһәре KZN.RU, 16-нчы июль). Казан Мэры Илсур Метшин 2021 елның июнь ае өчен Идел буе федераль округы субъектлары башкалалары башлыклары медиарейтингының югары баскычын яулады.

Федераль һәм төбәк массакүләм мәгълүмат чараларын анализлау нәтиҗәләре буенча Казан Мэрының медиаиндексы 13 733,1 пунктны тәшкил итте. Массакүләм мәгълүмат чараларында Илсур Метшин, җәяүлеләрнең травма алу очраклары арту сәбәпле, электр самокатларыннан файдалану кагыйдәләрен тиз арада әзерләргә кушты, дип язды. Шулай ук массакүләм мәгълүмат чаралары хәбәр иткәнчә, Татарстан Республикасы башкаласы башлыгы Казанның биологик чистарту корылмаларын реконструкцияләү эшен бәяләде, аларны ремонтлауга «Иделне савыктыру» федераль проекты буенча 6,3 млрд.сум бүлеп бирелгән. Моннан тыш, Илсур Метшин хәбәр иткәнчә, шәһәр бистәләрендә этләрне вакцинацияләүнең бушлай мобиль пунктлары барлыкка киләчәк.

Медиарейтингның икенче урынында Түбән Новгород башлыгы Юрий Шалабаев (11 296,1 пункт), өченче урында Чабоксар хакимияте башлыгы Алексей Ладыков (11 056 пункт) урнашкан.

Рейтинг «Медиалогия» мәгълүмати-аналитик системасы тарафыннан массакүләм мәгълүмат чаралары базасы нигезендә төзелгән, ул 59 меңнән артык чыганакны үз эченә ала: ТВ, радио, газеталар, журналлар, мәгълүмат агентлыклары, интернет-массакүләм мәгълүмат чаралары.

Исегезгә төшерәбез, Казан Мэры Идел буе федераль округы субъектлары башкалаларының беренче затлары арасында медиарейтингны берничә тапкыр җитәкләде.