И.Метшин – транспортчыларга: «Пассажирларны куркыныч астына куймагыз! Дөрес җирдә экономияләмисез!»

(Казан шәһәре KZN.RU, 18-нче декабрь, Алинә Бережная). Казан Мэры Илсур Метшин бүген эшлекле дүшәмбедә җәмәгать транспортында һәр конкрет янгын очрагын ачыкларга кушты. Казанда ел башыннан өч автобус һәм өч трамвай янган. «Безнең өчен пазиклардан, газельләрдән арынганнан соң, беренче номерлы мәсьәлә – пассажирлар иминлеге. Без тәҗрибә артыннан килә торган шәһәргә әйләндек, һәм менә 12 елдан соң, программаны тормышка ашырганнан соң, без зәңгәр ут белән яна башладык, ярый корбаннарсыз гына. Оят һәм хурлык!» – дип кырыс җавап бирде Илсур Метшин.

Башкарма комитет җитәкчесе урынбасары Илдар Шакиров автобусларның януына электр двигательләренең үткәргече ялганышы сәбәп булды, дип аңлатты. Аларны 600 мең кмдан соң алыштырырга кирәк, ә автобуслар 800 меңнән артык узган. «Узган атнада җитештерүче завод автобусларны эксплуатацияләү һәм карап тоту буенча кайбер кисәтүләрне ачыклаган, барлык җитешсезлекләр дә бетерелә, ә предприятие җитәкчеләре һәм техник эксплуатацияләү белгечләре шелтә белән җәзаланды һәм премияләрдән мәхрүм ителде», – дип сөйләде Илдар Шакиров.

Казан Мэры шәһәр прокуратурасына җәза җитәрлек булганмы икәнен бәяләргә кушты. Ул ассызыклаганча, пассажирлар куркынычсызлыгы мәсьәләләрендә экономия булырга тиеш түгел. «Мин сакчыл җитештерү яклы, һәр тиеннең кадерен белүне бәялим, әмма бу кешеләрнең куркынычсызлыгында экономияләргә кирәк дигән сүз түгел. Бу мичләрне без тикшерергә тиешме? Бу двигательне капиталь төзекләндерү түгел, миллион сумнар түгел. Эксплуатацияләү срогы чыкты, димәк, алмаштырырга кирәк. Оят һәм хурлык, мәсхәрә! 12 ел узгач тынычландык», – диде Илсур Метшин. Ул һәр конкрет очракны ачыкларга кушты. «Мин моннан соң бу сиңа әйләнеп кайтырга теләмим, пассажирларны куркыныч астына куймагыз, дөрес җирдә экономияләмисез», – дип йомгаклады шәһәр башлыгы.