И.Метшин: “Куркыныч сугыш еллары ветераннары һәм катнашучылары арасында түләп бетергесез бурычлы без”

(Казан шәһәре KZN.RU, 9-нчы май). Казан Мэры Илсур Метшин Татарстан башкаласында яшәүчеләрне Җиңү көне белән котлады.

“Хөрмәтле казанлылар!

Сезне Җиңү көне белән ихластан котлыйм!

Тарихы йөрәкләребездә мәңгелек югалту ачысы һәм Җиңү шатлыгын уеп калдырган бөек бәйрәм озак еллар дәвамында батырлык, Ватанга тугрылык һәм мәхәббәт символы булып тора.

9 май – күзләрдә яшьле бәйрәм. Бу көн дәүләтебезнең язмышын борып, аның тарихында героик биеклеккә әверелде.

Бүген без исән калганнар һәм сугыш кырларында миллионлаган һәлак булучылар каршында, 1945 елның җиңү маен кан һәм әрнүләр, яшәү һәм үлем белән якынайтучылар каршында баш иябез.

Куркыныч сугыш еллары ветераннары һәм катнашучылары, шәхси югалтулар бәрабәренә безгә, Җиңү варисларына, тыныч күк йөзе бүләк итүчеләр арасында түләп бетергесез бурычлы без.

Бәйрәм белән, кадерле дуслар! Сезгә ныклы сәламәтлек, бәхет, уңышлар, тынычлык һәм иминлек телим!”, - диелә котлауда.