Казан Мэры “Әти-әниләреңне яздыр. Якыннарыңны яздыр” акциясенә кушылды

(Казан шәһәре KZN.RU, 23-нче июнь). Казан Мэры Илсур Метшин 23-нче майда старт алган “Әти-әниләреңне яздыр. Якыннарыңны яздыр” акциясенә кушылды. Казан шәһәр Думасының VIII сессиясе утырышы тәнәфесе вакытында ул депутатларны республика басмаларына язылырга чакырды, һәм үзе дә 3 республика һәм 2 шәһәр газетасына язылды.

Исегезгә төшәерәбез, 23-нче майда “Әти-әниләреңне яздыр. Якыннарыңны яздыр” акциясе старт алды. Акциягә республиканың танылган шәхесләре кушылды, алар татарстанлыларны республикада чыга торган вакытлы матбугатка туганнарын-якыннарын яздыртырга чакыралар.

Шунысы кызык, акциянең күп кенә катнашучылары якыннары өчен генә түгел, сугыш ветераннары, балалар йортлары, картлар йортлары, балалар хастаханәләре өчен дә яраткан газета-журналларын яздырган.

“Әти-әниләреңне яздыр. Якыннарыңны яздыр” 25-нче июньгә кадәр дәвам итәчәк.