Казанда шәһәр Думасының XXVII сессиясе башланды

(Казан шәһәре KZN.RU, 6-нчы июнь). Казан ратушасында өченче чакырылыш Казан шәһәр Думасының XXVII сессиясе башланды. 48 депутатның 40-гы утырышта катнаша, карарлар кабул итү өчен кворум бар. Утырышны Казан Мэры Илсур Метшин уздыра.

Сессия эшендә шулай ук ТР Дәүләт Советы депутатлары, республика министрлыклары һәм ведомстволары вәкилләре, Казан Башкарма комитетының җитәкчеләре һәм вазыйфаи затлары һ.б. катнаша.

Депутатлар 10 сорау буенча фикер алышачак:

Казанның Мактаулы гражданы турында;

Казан шәһәрендә халыкка электрон хезмәтләр күрсәтү системасы турында;

Казан шәһәр Думасының “2018 елга һәм 2019-2020 елларның планлы периодына Казан шәһәре муниципаль берәмлеге бюджеты турында”гы карарына үзгәрешләр кертү турында;

Казан шәһәр Думасының “2017-2019 елларга Казан шәһәре муниципаль милкен приватизацияләүнең Фаразлы планы (программасы) турында”гы карарына үзгәрешләр кертү турында;

Казан шәһәр Думасының “Казан шәһәренең муниципаль милкен бушлай файдалануга тапшыру тәртипләре турында”гы карарына үзгәрешләр кертү турында;

Казан шәһәр Думасының “Казан шәһәрендә ачык тыңлаулар оештыру һәм уздыру тәртипләре турында”гы карарына үзгәрешләр кертү турында;

Казан шәһәренең Җирдән файдалану һәм төзелеш кагыйдәләренең шәһәр төзелеше регламентлары зоналары картасына үзгәрешләр кертү турында;

Казан шәһәр Думасының “Социаль ипотека системасында торак төзелешен гамәлгә ашыру өчен җир участокларын бушлай бирү турындагы карарларны кабул итү турында”гы карарының үз көчен югалтуы турында;

Казан шәһәр Думасының “Казан шәһәр Думасының даими комиссияләре составы турында”гы карарына үзгәрешләр кертү турында;

Төрлеләр.

Сессия башында Казан Мэры Илсур Метшин 18-нче шәһәр хастаханәсенең балалар стационары мөдире Татьяна Морозга Казан шәһәр Думасы депутаты таныклыгын һәм значогын тапшырды. Казанның Сайлау комиссиясе карары белән аңа Айрат Гарипов депутат вәкаләтләрен өстеннән төшергәч бушаган вакант депутат мандаты бирелде.