Казан Мэры Франция Республикасының Россия Федерациясендәге Гадәттән тыш һәм Тулы... Хәбәрләр

Илсур Метшин: «Без — шәһәргә булган мәхәббәтебез берләштергән бердәм команда»

Аппарат киңәшмәсендә мэр Казанның узып баручы елдагы казанышларын билгеләп үтте һәм үсешенә ярдәм иткән һәркемгә рәхмәт белдерде

алга таба укырга

Шәһәр башлыгы һәр чыршы шәһәрчегенә район хакимиятеннән җаваплы кешене беркетергә кушты
Казанда каникулларда 54 дежур бригада һәм 100 махсус техника эшлиячәк
Казан мэры: «Һәркем үзенең сугыш чорында яшәвен аңларга тиеш»
Казанда үзәк чыршы шәһәрчегенең өзлексез эшләвен дежур төркемнәр күзәтәчәк
Илсур Метшин: «Шәхси состав оператив эшләде һәм хезмәтен дәвам итәчәк»
Казан мэры торак йортларның подвалларында бөтен яшеренү урыннарын тиешле хәлгә китерергә таләп итте
Казан Мэры кушуы буенча Клара Цеткин урамындагы 31а йортның түбәсен һәм зыян күргән фатирларны ремонтлаячаклар
Илсур Метшин ПОА һөҗүменнән зыян күргән йортларда яшәүчеләр белән әңгәмә кушымталарында аралашу төркемнәре булдырырга тәкъдим итте
Казан мэры: «Безнең алда гадәттән тыш хәл нәтиҗәләрен мөмкин кадәр тизрәк бетерү бурычы тора»
Илсур Метшин – үзенчәлекле балалар аналарына: «Сезнең һәрберегез рәхмәт һәм соклану сүзләренә лаек»
90нан артык укучы, студент һәм аспирант Казан мэрының исемле стипендияләре белән бүләкләнде
Рөстәм Миңнеханов һәм Илсур Метшин өченче буын МАЗ-303Т22 яңа троллейбуслар партиясен карадылар

Ике як бизнес, мәгариф, сәламәтлек саклау, транспорт һәм спорт өлкәсендә хезмәттәшлек итү вариантлары хакында фикер алышты.

(Казан шәһәре KZN.RU, 16-нчы декабрь). Казан Мэры Илсур Метшин шәһәр Ратушасында Франция Республикасының Россиядәге Гадәттән тыш һәм Тулы вәкаләтле Илчесе Жан-Морис Рипер белән очрашты. Франция делегациясе Казанга бизнес, мәгариф, сәламәтлек саклау, транспорт һәм спорт өлкәсендә хезмәттәшлек итү вариантлары хакында фикер алышу өчен килгән.

Очрашуда Казан шәһәре Башкарма комитеты Җитәкчесенең икътисади үсеш буенча урынбасары Иван Кузнецов, Башкарма комитет Җитәкчесенең социаль мәсьәләләр буенча урынбасары Наталья Гречанникова, Җир һәм милек мөнәсәбәтләре комитеты рәисе Ратмир Шәйдуллин, Икътисади үсеш комитеты рәисе Илдар Шакиров, ТР Сәламәтлек саклау министрлыгының Казан шәһәре буенча идарәсе башлыгы Рамил Әхмәтов, “Казан шәһәрендә туризм үсешенә ярдәм итү комитеты” МБУ директоры Евгения Лодвигова, Транспорт комитеты рәисе Айдар Габделхаков, шулай ук Татарстандагы француз компанияләре вәкилләре катнашты.

Илсур Метшин, кунакларны сәламләгән вакытта, Татарстан башкаласының тышкы факторларга карамастан, динамик темпта үсүен билгеләде. “Россиянең бер өлеше буларак Казанның рәсми затларның гына түгел, Франция бизнесы вәкилләренең дә игътибарын җәлеп итүе шатландыра. Икътисадтагы барлык катаклизмнарга карамастан, Казан ышанычлы хәлдә үсә. Балалар туа, яшәү дәвамлылыгы арта, сәламәтлек саклау өлкәсенә зур акча инвестицияләнә. Шулай ук төбәкләр арасында торакны куллануга тапшыру буенча да әйдәп барабыз. Әлеге күрсәткечләр буенча шәһәрнең үсү динамикасы һәм гражданнарыбызның тормышы хакында да фикер йөртергә була. Без бәхетле”, - дип билгеләде Мэр.

Жан-Морис Рипер, үз чиратында, Франция делегациясе исеменнән шәһәр башлыгына ачык йөз белән каршылаганга рәхмәтен белдерде һәм Казан белән Франциянең төрле өлкәләрдә хезмәттәшлеге бәйләгәнен билгеләде. “Бәхетле кешеләр шәһәренә килүебезгә шатмын. Безгә монда ошый. Шәһәрнең матурлыгы тәэсир итәрлек. Архитектура мирасын саклауга да зур әһәмият бирелә, бу исә французлар күңеленә хуш килә. Франция һәм Россияне күпьеллык һәм төрле яклы хезмәттәшлек берләштерә. Татарстан һәм Казан илебездә уртак проектлар гамәлгә куюга бәйле рәвештә билгеле”, - дип ассызыклады Франциянең Россиядәге Гадәттән тыш һәм Тулы вәкаләтле Илчесе.

Жан-Морис Риппер фикеренчә, Казанның һәм Франциянең тарихында һәм үсешендә уртак яклар шактый – бай мәдәни һәм тарихи мирас, туучыларның күп санда булуы, этник һәм мәдәни күп төрлелеге.

Очрашу барышында француз компанияләре вәкилләре Мэрга шәһәр территориясендә тормышка ашырып булган берничә инвестицион проект тәкъдим итте. Бу – энергия саклау, медицина, берәмләп сату һәм сәнәгать өлкәсендәге проектлар. Илсур Метшин очрашу катнашучыларын Казанның инвестицияләргә шат һәм хезмәттәшлеккә ачык булуына ышандырды. Очрашу ахырында ике як бүләк белән алмашты.