Рөстәм Миңнеханов Казан халкына республика бүләкләрен тапшырды

(Казан шәһәре KZN.RU, 27 нче февраль, Татьяна Марюхова). Бүген Казан Мэры Илсур Метшин рәислегендә Ратушада узучы Казан шәһәр Думасының  XXI сессиясендә Татарстан Республикасы Рәисе Рөстәм Миңнеханов Татарстан Республикасы башкаласы үсешенә зур өлеш керткән шәһәр халкына республика бүләкләрен тапшырды.

«12 нче номерлы шәһәр клиник хастаханәсе» АҖ генераль директоры Рамил Әхмәтовны һәм Казан дәүләт казна дары заводының 6 нчы разрядлы токаре Александр Синюгинны «Фидакарь хезмәте өчен» медале белән бүләкләнделәр.

Югары квалификацияле белгечләр әзерләүгә зур өлеш керткәне, нәтиҗәле фәнни һәм педагогик эшчәнлеге өчен «Татарстан Республикасының Атказанган югары мәктәп хезмәткәре» мактаулы исеме Казан милли тикшеренү технология университеты кафедрасы мөдире Татьяна Бурдиковага бирелде.

Айрат Исламов, Казан моторлар төзү җитештерү берләшмәсенең киң профильле станокчысы, «Татарстан Республикасының Атказанган машина төзүчесе» мактаулы исеменә лаек булды.

«Татарстан Республикасының Атказанган торак-коммуналь хуҗалык хезмәткәре» мактаулы исеме «Шәһәр күперләре» МУП эшчесе Исхак Хәлиловка бирелде.

ТР Сәламәтлек саклау министрлыгының Республика клиник хастаханәсендәге үлекле хирургия бүлегенең өлкән шәфкать туташы Любовь Аржанова сәламәтлек саклау өлкәсендәге хезмәтләре һәм күпьеллык намуслы хезмәте өчен «Татарстан Республикасының Атказанган сәламәтлек саклау хезмәткәре» мактаулы исеменә лаек булды.

«Татарстан Республикасының Атказанган мәдәният хезмәткәре» мактаулы исеме Казан Башкарма комитетының Мәдәният идарәсе бүлеге җитәкчесе Рузилә Камаловага һәм 11 нче номерлы балалар музыка мәктәбе укытучысы Гүзәлия Фазлыевага бирелде.

«Татарстан Республикасының Атказанган халыкны социаль яклау хезмәткәре» мактаулы исеме Казан Башкарма комитеты Аппаратының Эш башкару идарәсе башлыгы урынбасары – гражданнар һәм оешмалар мөрәҗәгатьләре белән эшләү бүлеге башлыгы Диләрә Васильевага бирелде.

Республиканың физик культура һәм спорт үсешенә керткән өлеше, шулай ук күпьеллык нәтиҗәле хезмәте өчен «Татарстан Республикасының Атказанган физик культура хезмәткәре» мактаулы исеменә Спортның ишкәк ишү төрләре буенча олимпия резервы спорт мәктәбе тренеры Игорь Герасимов лаек булды.

Мәгариф өлкәсендәге казанышлары һәм күпьеллык намуслы хезмәте өчен «Татарстан Республикасының Атказанган укытучысы» дигән мактаулы исем Казан шәһәренең Яңа Савин районы М.Р.Әхмәтшин исемендәге 113 нче татар-рус урта мәктәбенең башлангыч сыйныфлар укытучысы Ольга Чиганаевага бирелде.

«КВАРТ» резинотехникасы Кама-Идел акционерлык җәмгыяте» АҖ цехының контроль мастеры Илсөяр Гаязовага «Татарстан Республикасының Атказанган химигы» мактаулы исеме бирелде.

Тантана ахырында Рөстәм Миңнеханов Казан шәһәр Думасы Аппаратының халыкара һәм муниципальара элемтәләр идарәсе башлыгы Руслан Галиәхмәтовка Татарстан Республикасы Рәисенең рәхмәтен белдерде.