Илсур Метшин 2021 ел нәтиҗәләре буенча Идел буе федераль округы субъектлары башлыклары медиарейтингы лидеры булды

(Казан шәһәре KZN.RU, 18-нче гыйнвар). Казан Мэры Илсур Метшин 2021 елда Идел буе федераль округы субъектлары башлыклары медиарейтингының башында тора.

Казан Мэрының федераль һәм төбәк массакүләм мәгълүмат чараларын анализлау нәтиҗәләре буенча медиаиндексы 144 240,1 пункт тәшкил иткән. Массакүләм мәгълүмат чараларында Илсур Метшинның Барселонада «Берләшкән шәһәрләр һәм җирле хакимиятләр» Бөтендөнья оешмасы президенты итеп сайлануы язылды. Шулай ук Татарстан башкаласында Россия һәм чит илләрдән иң яхшы архитекторларны берләштерүче шәһәр үсеше институты булдыру темасы да яктыртылды - бу хакта шәһәр башлыгы белдерде. Моннан тыш, И.Метшин җәяүлеләр арасында имгәнү очраклары арту аркасында электр самокатлардан файдалану кагыйдәләрен әзерләргә кушты.

Медиарейтингның икенче урынында - Түбән Новгород башлыгы Юрий Шалабаев (141 591,7 пункт), ә өченчедә - Саратов башлыгы Михаил Исаев (113 247,7 пункт).

Рейтинг «Медиалогия» мәгълүмат-аналитик системасы тарафыннан 72 меңнән артык чыганакны үз эченә алган база нигезендә төзелгән: ТВ, радио, газета, журналлар, мәгълүмат агентлыклары, интернет-массакүләм мәгълүмат чаралары.

Исегезгә төшерәбез, Казан Мэры берничә тапкыр Идел буе федераль округы субъектлары башкалаларының беренче затлары медиарейтингларын җитәкләде.