И.Метшин: «Бу якты бәйрәм якыннарыбызга карата булган мәхәббәт турында искә төшереп, иң эчкерсез хисләрнең чагылышы булып тора»

(Казан шәһәре KZN.RU, 7-нче гыйнвар). Казан Мэры Илсур Метшин шәһәр халкын Раштуа бәйрәме белән котлады.

«Хөрмәтле казанлылар! Православие динен тотучыларны Раштуа бәйрәме белән чын күңелдән котлыйм!

Бу якты бәйрәм якыннарыбызга карата булган мәхәббәт, дин иреге, шәфкатьлелек турында искә төшереп, бер-береңә карата миһербанлык, үзара аңлашу һәм ихтирамлылык хисләре белән сугарып, йөрәкләрне тынычлык һәм игелек белән тулыландырып, иң эчкерсез хисләрнең чагылышы булып тора. Чын әхлакый кыйммәтләр күп кенә диннәрнең нигезендә ята, буыннан-буынга тапшырыла һәм кешеләрне берләштерү өчен нигез булып тора.

Бүген Казанда төрле дин вәкилләре янәшә яши. Бергәләп без туган шәһәребезне үстерәбез, анда һәркем өчен уңайлы шартлар тудырабыз. Раштуа көннәренең иҗади көче безгә алга таба да дус һәм тату яшәргә, уртак бәхет хакына нәтиҗәле хезмәт итәргә ярдәм итсен.

Сезгә чын күңелдән нык сәламәтлек, бәхет һәм гаилә җылылыгы телим!» – диелә текстта.