Илсур Метшинның рәсми сайты Шәхси бите Илсур Метшинның шәхси бите
Кадр артында
Рәсми бит Рәсми бит
Илсур Метшин – үзенчәлекле балалар аналарына: «Сезнең һәрберегез рәхмәт һәм соклану сүзләренә лаек»

Илсур Метшин – үзенчәлекле балалар аналарына: «Сезнең һәрберегез рәхмәт һәм соклану сүзләренә лаек»

Шәһәр мэры инвалид балаларны тәрбияләүче хатын-кызлар белән очрашты
алга таба укырга
Яңалыклар

2012 елда Казанда якын-тирәдәге 13 спорт клубы барлыкка киләчәк

2012 елда Казанда якын-тирәдәге 13 спорт клубы барлыкка киләчәк

 

 

(KZN.RU, 12-нче март). 2012 елда Казанда тагын 13 “Спорт-хаус” барлыкка киләчәк. Бу яшәү урынына бәйле рәвештә спорт белән шөгыльләнү өчен билгеләнгән Казан инфраструктурасының алга таба үсешенә ярдәм итәчәк.

Исегезгә төшерәбез, якын-тирәдәге беренче спорт клубы бер ел элек Совет районында барлыкка килде. “Спорт-хаус” – торак йорт ишегалдында урнашкан зур булмаган спорт залы. Бина физкультура белән шөгыльләнү өчен кирәк булган заманча тренажер, душ бүлмәсе һәм чишенү урыны белән җиһазландырылган. Дәресләрне махсус инструкторлар алып барачак. Шул ук вакытта “Спорт-хаус” барлык теләүчеләр өчен ачык, ә бәяләре фитнес-үзәкләр белән чагыштырганда, күпкә арзанрак. Совет районындагы спорт клубының халык арасында популярлыгын исәпкә алып, Казан Мэры Илсур Метшин “Спорт-хауслар” челтәрен киңәйтергә тәкъдим итте. Әлеге тәкъдим Татарстан Республикасы Президенты Рөстәм Миңнеханов тарафыннан карап тикшерелде һәм хупланды.

“Проект 9 миллион сумга җиһазлауны арендалау килешүе буенча чыгымнарны өлешчә финанслау өчен Татарстан Республикасының кече һәм урта бизнесына субсидияләр бирүгә грант алды. Казан Башкарма комитеты 30 участок бүлеп бирде, инженерлык-техник коммуникацияләрне льготалы нигездә тоташтыру каралган”, - дип белдерде Физик культура һәм спорт комитетының рәисе Илгиз Фәһриев.

Аның сүзләренә караганда, быел Җиңү проспектындагы 136А, Батыршин урамындагы 29А, Ямашев проспектындагы 102Б, Адоратский урамы, Нокса Авышлыгы адреслары буенча 5 участокта ишегалды спорт клублары төзелеше башланды. Тагын 8 участок килешү стадиясендә.

“Спорт-хауслар”ның төп өстенлекләре – арзан бәя һәм әлеге клубларга кадәр җәяү бара алу мөмкинлеге. Бу чыннан да социаль әһәмияткә ия булган проект. Без Казанның 25% халкының системалы рәвештә спорт белән шөгыльләнүенә ирештек. Тагын да югарырак максатлар куяр вакыт җитте. Моның өчен безгә һәр иртәсен гимнастикадан башлаган Кытай тәҗрибәсен өйрәнергә кирәк” – дип билгеләде Илсур Метшин.

Узган яңалык
Илдар Халиковка "Открытая Казань" проектын тәкъдим иттеләр
Алдагы яңалык
Якын арада Казанда икенче шәһәркүләм Спартакиада старт алачак
Кадр артында
Рәсми бит