Татарстан башкаласында пандемия аркасында Казан Изге Ана иконасы хөрмәтенә тәре йөреше гамәлдән чыгарылды

(Казан шәһәре KZN.RU, 2-нче ноябрь, Алсу Сафина). Казанда тәре йөреше гамәлдән чыгарылды, ул гадәттә 4-нче ноябрьдә Казан Изге Ана иконасы хөрмәтенә уздырыла иде. Бу хакта шәһәр хакимиятенә Татарстан митрополиясендә хәбәр иттеләр.

«Санитар-эпидемиологик вәзгыять уңаеннан 4-нче ноябрьдә тәре йөрешен гамәлдән чыгару турында карар кабул ителде. Без бу борчылуны уртаклашабыз һәм Кулланучылар хокукларын яклау һәм кеше иминлеге өлкәсендә күзәтчелек федераль хезмәте күрсәтмәләрен үтәргә, социаль дистанцияне сакларга чакырабыз», - диде эшлекле дүшәмбедә Казан Мэры Илсур Метшин.

Исегезгә төшерәбез, 4-нче ноябрьдә Казан гыйбадәтханәләрендә бәйрәм гыйбадәтләре узачак. Мәсәлән, Благовещенск соборында 8.30 сәгатьтә Изге литургияне митрополит Феофан җитәклиячәк. Гыйбадәтләр шулай ук Казан Богородицкий ир-атлар монастыренда, Петропавел соборында, Ярославль изгеләре храмында узачак.