Илсур Метшин сентябрь аенда Идел буе федераль округы башкалалары башлыкларының медиарейтингын җитәкләде

(Казан шәһәре KZN.RU, 15-нче октябрь). Казан Мэры Илсур Метшин 2020 елның сентябре өчен Идел буе федераль округының башкала башлыклары медиарейтингын җитәкләде.

Федераль һәм төбәк массакүләм мәгълүмат чараларын анализлау нәтиҗәләре буенча Казан Мэрының медиаиндексы 15938,8 пунктны тәшкил иткән. Массакүләм мәгълүмат чаралары Казан шәһәр Думасы депутатлары шәһәр башлыгы Илсур Метшинны яңа срокка сайладылар, дип язды. Шулай ук массакүләм мәгълүмат чаралары Илсур Метшин Казан метрополитенын үстерү планнары турында сөйләде - якын елларда Татарстан башкаласында 26 метро станциясе ачу планлаштырыла, дип хәбәр итте. Моннан тыш, Казан Мэры Илсур Метшин Kazan Digital Week халыкара форумында түгәрәк өстәл үткәрде, анда дөньяның иң эре шәһәрләре башлыклары «Акыллы шәһәр» концепциясен гамәлгә ашыру тәҗрибәсе белән уртаклаштылар, дип яздылар.

Медиарейтингның икенче урынында Саратов мэры Михаил Исаев (8069 пункт), ә өченчесендә Чебоксар башлыгы Алексей Ладыков (6823 пункт) урнашкан.

Рейтинг массакүләм мәгълүмат чаралары базасы нигезендә «Медиалогия» мәгълүмати-аналитик системасы тарафыннан төзелгән, ул 59 меңнән артык чыганакны үз эченә ала: ТВ, радио, газеталар, журналлар, мәгълүмат агентлыклары, интернет-массакүләм мәгълүмат чаралары.

Исегезгә төшерәбез, Казан Мэры Идел буе федераль округы субъектлары башкалаларының беренче затлары медиарейтингын берничә тапкыр әйдәп барды.