Ратушада Казан шәһәре Думасының XXXIII сессиясе башланды

(Казан шәһәре KZN.RU, 18-нче апрель). Казан Ратушасында Казан шәһәре Думасының XXXIII сессиясе уза. Утырышны Казан Мэры Илсур Метшин үткәрә. Утырышта 48 депутатның 43-е катнаша, карар кабул итү өчен кворум бар.

Сессия эшендә ТР Дәүләт Советы Рәисе урынбасары Юрий Камалтынов, ТР Дәүләт Советы депутатлары, республика министрлыклары һәм ведомстволары, яшьләр оешмалары вәкилләре һәм башкалар катнаша.

Депутатлар түбәндәге мәсьәләләр буенча фикер алышачак:

Социаль эшчәнлеккә юнәлеш тота торган, коммерциягә нигезләнмәгән хәйриячелеккә һәм ихтыярилыкка корылган оешмаларга ярдәм күрсәтү турында;

Казан шәһәрендә дәүләт яшьләр сәясәтен гамәлгә ашыру турында;

Казан шәһәре муниципаль берәмлегенең 2018 елгы бюджетының үтәлеше турында;

2017-2019 елларга Казан шәһәре муниципаль милкен хосусыйлаштыруның прогноз планы (программасы) үтәлеше турында хисап;

Казан шәһәре Прокуроры протесты турында;

Казан шәһәренең Җирдән файдалану һәм төзелеш кагыйдәләренең шәһәр төзелеше регламентлары зоналары картасына үзгәрешләр кертү турында;

Казан шәһәр Думасының «Балигъ булмаганнар эшләре һәм аларның хокукларын яклау комиссияләре турында»гы карарына үзгәрешләр кертү турында;

Казан шәһәре муниципаль берәмлеге Уставына үзгәрешләр кертү турында;

Территориаль иҗтимагый үзидарәләр чикләрен билгеләү турында;

Оештыру мәсьәләсе;

Төрлеләр.