И.Метшин: “Әлеге бәйрәм сезнең шәһәрнең чәчәк атуына керткән өлешегезне искәртеп тора”

(Казан шәһәре KZN.RU, 1-нче октябрь). ТР башкаласы Мэры Илсур Метшин Халыкара өлкәннәр көне уңаеннан өлкән яшьтәге казанлыларга мөрәҗәгать итте.

“Хөрмәтле казанлылар, өлкән буын вәкилләре!

Бүген, беренче октябрьдә, без үзенчәлекле бәйрәм – Халыкара өлкәннәр көнен билгеләп үтәбез. Безнең өчен бу сезне, олы тормыш юлын үткән һәм кешеләрнең хөрмәтенә һәм ихтирамына лаек булган кешеләрне котлау өчен яхшы мөмкинлек.

Балачактан ук өлкәннәрдән гореф-гадәтләрне һәм зирәклекне, мәдәният һәм туган тел нигезләрен өйрәнәбез. Бүгенге көндә без горурланган әйберләрнең күбесе сезнең күпьеллык хезмәтегез ярдәмендә барлыкка килгән: сез фабрика һәм заводлар торгыздыгыз, фронтларда сугыштыгыз һәм тыныч тормыш төзедегез, безне, үзегезнең балаларыгызны һәм оныкларыгызны тәрбияләдегез. Әлеге бәйрәм, буыннан-буынга күчеп, сезнең туган шәһәребез, республикабыз һәм илебезнең чәчәк атуына керткән бәһасез өлешегез турында искәртеп тора.

Сезгә ныклы сәламәтлек, бәхет, бетмәс-төкәнмәс дәрт-куәт һәм озын гомер телим! Һәр яңа көн шатлык бүләк итсен, ә йортыгызда тынычлык һәм үзара аңлашу хөкем сөрсен!”, - диелә котлауда.