Казан ратушасында шәһәр Думасының XLV сессиясе башланды

(Казан шәһәре KZN.RU, 7-нче сентябрь, Альберт Мортазин). Шәһәр Ратушасында Казан шәһәре Думасының XLV сессиясе башланды, ул Татарстан башкаласы Мэры Илсур Метшин рәислегендә уза.

Залда 45 депутатның 42-се катнаша, карар кабул итәр өчен кворум бар.

Көн кадагында түбәндәге мәсьәләләр тора:

Казан шәһәренең Почетлы гражданины турында;

Казан шәһәрендә Спортның су төрләре буенча XVI ФИНА дөнья чемпионатын уздыруның нәтиҗәләре турында;

Казан шәһәре Җир биләмәләреннән файдалану һәм төзелеш кагыйдәләренең шәһәр төзелеше регламентлары зоналары картасына үзгәрешләр кертү турында;

Казан шәһәренең Төзекләндерү кагыйдәләренә үзгәрешләр кертү турында;

Казан шәһәре Думасының “Казан шәһәренең муниципаль бүләкләре турында”гы карарына үзгәрешләр кертү турында;

Казан шәһәре Уставына үзгәрешләр кертү турында;

Территориаль иҗтимагый үзидарәләр чикләрен урнаштыру турында;

Казан шәһәре муниципаль берәмлегенең чикләрен үзгәртү буенча ачык тыңлаулар билгеләү турында;

Казан шәһәре Думасының икенче чакырылыш эше нәтиҗәләре турында;

Төрлесе.