Казанда «Аксенов-фест»: Андрей Макаревич һәм Гүзәл Яхина, француз телендә татар прозасы антологиясен тәкъдир итү , «Йолдызлы билет» тапшыру

(Казан шәһәре KZN.RU, 20-нче сентябрь, Алинә Бережная). 22-25-нче сентябрьдә Казанда 14-нче «Аксенов-фест» фестивале узачак. Ул Татарстанда Туган телләр һәм халыклар бердәмлеге, балалар әдәбиятына һәм заманча популяр әдәбиятка һәм Василий Аксеновның иҗатына багышланган. Әдәби форумның төп мәйданчыгы гадәттәгечә В.Аксенов музей-йорты булачак. Дүрт көн дәвамында фестиваль кунакларын лекцияләр, танылган шагыйрьләр һәм язучылар белән иҗади очрашулар, фотокүргәзмә һәм башка чаралар көтә. Казан Мэры Илсур Метшин бүген эшлекле дүшәмбедә казанлыларны «Аксенов-фест»ка килергә чакырды һәм чараның яшь әдәбиятчыларга иҗади ачылырга ярдәм итәчәгенә ышаныч белдерде.

Фестиваль программасы турында тулырак итеп шәһәр Башкарма комитетының Мәдәният идарәсе башлыгы Азат Абзалов сөйләде. «Аксенов-фест» кунаклары булып шагыйрьләр һәм язучылар, артистлар һәм музыкантлар тора. Аның сүзләренә караганда, быел фестивальгә рус ПЕН-үзәге президенты, драматург Евгений Попов, музыкант һәм «Машина времени» төркеме лидеры Андрей Макаревич, «Зөләйха күзләрен ача», «Дети мои», «Эшелон на Самарканд» романнары авторы Гүзәл Яхина, удмурт этник шагыйрәсе Анастасия Шумилова, «Калечина-Малечина» бестселлеры авторы Евгения Некрасова, балалар язучысы Анастасия Строкина, прозаик һәм журналист Марина Әхмәтова, тәрҗемәче Максим Амелин киләчәк.

22-нче сентябрьдә фестивальне Аксенов йортында иҗади очрашу ачачак, анда Евгений Попов үз эшләрен тәкъдим итә, тормыш һәм иҗат турында сөйли. Анастасия Шумилова үз чиратында этнофутуризм һәм әдәбиятта яңа мифология, фольклор темасына мөрәҗәгать итәчәк.

Фестивальнең беренче көнендә иң төп чараларның берсе булып «Арматтан» эре Париж басмасында чыгарылган француз телендә заманча татар прозасы антологиясен тәкъдир итү булачак. Политолог һәм тәрҗемәче Филипп Юркович Татарстан Язучылар берлеге әгъзалары белән берлектә эшне тәкъдир итә. «Кереш сүзенең авторы – М.Җәлил премиясе лауреаты, язучы Ленар Шәех. Шунысын да билгеләп үтәргә кирәк, китапның тышлыгы һәм эчедәге иллюстрацияләр өчен танылган татар рәссамы Ильяс Айдаровның репродукциясе сайлап алынды», – дип хәбәр итте Азат Абзалов.

Кич белән Аксенов йортында Евгения Некрасова белән иҗади очрашу һәм «Домовая любовь» китабын тәкъдир итү, шулай ук язучы Александр Кабаковны искә алу кичәсе узачак. Шул ук көнне 17.00 сәгатьтә ТР Милли китапханәсендә Анастасия Строкина өлкәннәр һәм балалар өчен әкиятләр турында сөйләячәк, ә прозаик һәм журналист Марина Әхмәтова «Зур романнар һәм кыска тарихлар» темасына фикер алышачак һәм әдәби блог алып бару серләре турында сөйләячәк.

Икенче көн дә бай булачак. 23-нче сентябрьдә Аксенов йортында Василий Поповның «Минем алтмышынчыларым» фотокүргәзмәсе ачылачак. Андрей Макаревич бер ел дәвамында үзе иҗат иткән «Унике ай – унике хикәя» дигән яңа әдәби эше турында сөйләячәк, ә Гүзәл Яхина Василий Аксенов иҗаты турындагы сорауларга җавап бирәчәк һәм «Зур Эмпирияләр иленә сәяхәт» темасына дискуссия уздырачак.

Бу көнне ТР Милли китапханәсендә Мәскәү яңа әдәбият мәктәбе кураторы, мәдәни проектлар авторы һәм продюсеры Татьяна Новоселова казанлылар белән әдәбиятның цифрлы гасырда ничек яшәве турында серләре белән уртаклашачак. Евгения Некрасова хәзерге дөньяда раса аермаларының йогынтысы турында «Тире» дигән китап сериалын тәкъдир итәчәк.

24-нче сентябрьдә фестиваль Аксенов йортында иҗади очрашудан башлана – язучы Александр Снегирев кунакларны үзенең «Яхшы ирнең начар хатыны» дигән яңа эше белән таныштырачак. Язучы һәм тәрҗемәче Максим Амелин белән «Тәрҗемәчеләр - мәгарифнең почта атлары» темасына иҗади дискуссия программасын дәвам итәчәк.

Шул ук көнне Аксенов йортында Марина Әхмәтова әдәбиятны монетизацияләүнең иң яхшы ысуллары һәм гадәттә сатылмаган әйберләрдән табышны ничек чыгару турында сөйләячәк. Язучы Гүзәл Яхина һәм драматург, режиссер Илгиз Зәйниев катнашында дискуссияләр фестивале дәвам итә.

«Милли китапханәдә үзенең иҗади очрашуын һәм яңа роман презентациясен шул ук көнне Казан прозаигы, «Йолдызлы билет» премиясе лауреаты, Forbes исемлегенең иң уңышлы яшь сәнгать эшлеклеләре унлыгына кергән Булат Ханов үткәрәчәк», – дип хәбәр итте Азат Абзалов.

24-нче сентябрьдә «Пирамида» мәдәни-күңел ачу комплексында «Йолдызлы билет» премиясен тапшыру тантанасы фестивальнең кульминациясе булачак. Премиядә яшь язучылар һәм музыкантларның исемнәре аталачак. Алар лауреатлар исемлеген тулыландырачак һәм «Йолдызлы билет» клубы әгъзалары булачак. Тантанадан соң Yo5 һәм Андрей Макаревичның, «Необарды» төркеменең чыгышлары көтелә.

Азат Абзалов фестивальнең барлык чараларына керү түләүсез алырга мөмкин булган билетлар буенча каралуын ассызыклады, алдан +7(843)236-42-93 телефоны аша теркәлү узарга кирәк.