Казан Мэры юл эшләрен оештыру мәсьәләләре буенча киңәшмә уздырды

(Казан шәһәре KZN.RU, 30-нчы апрель, Камилә Гобәйдуллина). Казан Башкарма комитетында юл эшләрен оештыру мәсьәләләре буенча киңәшмә узды. Эшлекле очрашуны Татарстан башкаласы Мэры Илсур Метшин үткәрде. Анда Казан Башкарма комитеты җитәкчесе Рөстәм Гафаров, аның урынбасары Игорь Куляжев, Башкарма комитет бүлекчәләре җитәкчеләре, район администрацияләре башлыклары һәм подрядчы оешма директорлары катнашты.

Киңәшмәдә катнашучылар якын арага булган планнар, аерым алганда, эшләрнең юл картасы турында фикер алыштылар һәм аларны гамәлгә ашыру срокларын билгеләделәр. Илсур Метшин билгеләп үткәнчә, бәйрәм көннәре – ремонт эшләрен башкару өчен иң яхшы вакыт, чөнки юлларда машиналар һәм җәмәгать транспорты азая. Гомумән алганда, ул подрядчы оешмаларга җәйге сезонда билгеләнгән эшләрне тәмамларга кушты. Быел Казанда юлларны ремонтлау һәм төзү өчен гомумән алганда 11,7 млрд сум акча бүленгән.

Исегезгә төшерәбез, Вознесение тракты төзелеше, Оренбург трактындагы борылыш төене һәм Мәүлетов урамындагы җир асты кичүе буенча эшләр алып барыла. Моннан тыш, Казанда «Куркынычсыз сыйфатлы юллар» илкүләм проекты буенча 11 урам, 78 квартал эчендәге машина юллары төзекләндереләчәк, 5 бакча ширкәтенә 4 керү юлы салыначак. Урам-юл челтәре объектларын ремонтлау программасы буенча барлыгы 50 км чамасы