Казан шәһәре Думасының даими комиссияләре рәисләре билгеләнде

(Казан шәһәре KZN.RU, 21-нче сентябрь, Алинә Бережная). Бүген дүртенче чакырылыш Казан шәһәр Думасының беренче сессиясендә Казан шәһәр Думасының даими комиссияләре һәм аларның составлары расланды.

Казан Мэры Илсур Метшин билгеләп үткәнчә, тәкъдим ителә торган даими комиссияләр исемлеге Казан шәһәр Думасын алып бару предметыннан чыгып формалаштырылган һәм Казан шәһәре уставы һәм законнар белән билгеләнгән. Шулай итеп, бюджет-финанс мәсьәләләре, җирле салымнар һәм җыемнар буенча даими комиссия рәисе итеп Булат Котдусов сайланды, социаль-икътисади үсеш, эшкуарлык һәм муниципаль милек буенча даими комиссия рәисе Делюс Сираҗетдинов, шәһәр төзелеше һәм торак-коммуналь хуҗалык буенча даими комиссия рәисе Эмиль Хөснетдинов, мәгариф, мәдәният һәм милли мәсьәләләр буенча даими комиссия рәисе итеп Гүзәл Сәгыйтова, шәһәр һәм әйләнә-тирә мохитне саклау буенча даими комиссия рәисе Рафаэль Шәвәлиев, законлылык, хокук тәртибе һәм җирле үзидарә мәсьәләләре буенча даими комиссия рәисе Алексей Селивановский, яшьләр эшләре, физкультура һәм спорт буенча даими комиссия рәисе вазифасына Евгений Чекашов сайланды.

Казан Мэры Илсур Метшин комиссия рәисләренә уңышлар теләде. «Комиссияләр рәисләрен котлыйбыз һәм аларга башкалабыз һәм шәһәр халкы мәнфәгатьләре файдасына уңышлы эшләүләрен телибез», - диде И.Метшин.