Казанда шәһәрдә йөрү өчен ясалган ялган белешмәләрне тану сервисын сыныйлар

(Казан шәһәре KZN.RU, 6-нчы апрель, Ксения Швецова). Казанда яңа сервисны тикшерә башладылар, ул эш бирүче тарафыннан шәһәр буенча хәрәкәт итүгә бирелгән белешмәнең дөреслеген тикшерергә мөмкинлек бирәчәк. Бу хакта бүген коронавирус инфекциясе таралуга каршы тору буенча штаб утырышында Мәгълүмати технологияләр һәм элемтә идарәсе башлыгы Рифат Ханнанов хәбәр итте.

«Әлеге катлаулы вакытта ялган юл белән акча эшләргә теләгән барлык «акыллыларны» да туктатырга кирәк, - диде Казан Мэры Илсур Метшин. - Вәзгыятьне игътибар белән күзәтү һәм барлык белешмәләрнең дөреслеген контрольдә тоту сорала».

Сервис Татарстан башкаласында ялган документлар сату очраклары теркәлүгә бәйле рәвештә эшләнелде.

Яңа сервис ТР Дәүләт идарәсенең, мәгълүмати технологияләр һәм элемтә цифрлы үсеш министрлыгы белән берлектә әзерләнә. Эш бирүчеләр, хезмәткәрләрнең паспорт сериясен һәм номерын, исеме һәм ИНН күрсәтеп, оешма хезмәткәрләренең хәрәкәт итү һәм аларны махсус реестрга кертү мөмкинлеген раслау өчен, электрон озату хаты җибәрергә тиеш була. Шуннан соң, Р.Ханнанов сүзләренчә, паспортның сериясе һәм номеры буенча теге яки бу кешенең мәгълүматлары реестрга кертелгәнме-юкмы икәнен тиз тикшерергә мөмкин булачак.

Исегезгә төшерәбез, Татарстанда 30-нчы марттан башлап барлык кешеләр өчен үзизоляция режимы кертелде. Ул күп кенә предприятиеләрдәге өзлексез эшли торган цикл эшләүчеләргә, хастаханәләрдә, азык-төлек кибетләрендә һәм тормыш өчен мөһим функцияләр башкаручы башка оешмаларда эшләүчеләргә кагылмый. Бу предприятиеләр хезмәткәрләре шәһәр буйлап ирекле хәрәкәт итү өчен махсус белешмә алырга тиеш.