Казан мэриясе «Яндекс.Такси» компаниясе белән ашыгыч медицина ярдәме өчен 30 машина бүлеп бирү турында килеште

(Казан шәһәре KZN.RU, 30-нчы март, Алинә Бережная). «Яндекс.Такси» компаниясе Казанның ашыгыч медицина ярдәме өчен 30 машина бүлеп биргән. Бу шәһәрнең кайбер медицина учреждениеләрендә медицина персоналы бригадаларына йөкләнешне киметергә мөмкинлек бирәчәк. Бу хакта бүген шәһәр Башкарма комитетында коронавирус инфекциясе таралуга каршы тору буенча штаб утырышында Казан Мэры Илсур Метшин сөйләде.

Элегрәк медицина чакыруларына хезмәт күрсәтү өчен шәһәр Башкарма комитеты ашыгыч ярдәмгә 15 хезмәт автомобиле тапшырган иде. Бер атна эчендә алар 2 мең чакыру үтәгән. «Безнең партнерлар - «Яндекс.Такси» компаниясе - инициатива белән чыкты, һәм бүгенге көндә 30 автомобиль безнең беренчел челтәрдә ярдәм режимында эшләячәк. Алар моны беренче атнада бушлай эшлиләр. Без үзара хезмәттәшлекне үткәннән соң, киләсе атнадан бу Татарстан Сәламәтлек саклау министрлыгы бюджетыннан килешүләр буенча түләнәчәк», - дип сөйләде И.Метшин.