Илсур Метшин Татарстан башкаласы кешеләренә республика һәм шәһәр бүләкләре тапшырды

Ратушада дүртенче чакырылыш Казан шәһәр Думасының XXXVII сессиясе ачылды. Гадәттәгечә, утырыш башланыр алдыннан мэр Илсур Метшин Татарстан башкаласы үсешенә өлеш керткән кешеләргә республика һәм шәһәр бүләкләрен тапшырды.

«Татарстан Республикасының атказанган торак-коммуналь хуҗалыгы хезмәткәре» дигән мактаулы исемгә «Горводзеленхоз» тресты МУП баш агрономы Ирек Гыйльманов лаек булды.

«Татарстан Республикасының атказанган төзүчесе» исемен төзелеш тармагы үсешенә керткән өлеше һәм күпьеллык нәтиҗәле хезмәте өчен «Эллада» төзелеш компаниясе директоры Айрат Хәлиуллин алды.

«Казан файдасына хезмәт һәм фидакарьлек өчен» аерымлык билгеләре белән ТР Дәүләт заказы агентлыгы генераль директоры Яков Геллерны, Э.З.Бакиров исемендәге 6 нчы балалар музыка мәктәбе укытучысы Генриетта Френкельны. һәм Татарстан Республикасы Мәгарифне үстерү институтының татар теле һәм әдәбияты кафедрасы мөдире Рәсимә Шәмсетдинованы бүләкләделәр.

Иҗтимагый әһәмиятле чараларны әзерләүгә һәм уздыруга керткән өлеше өчен Казанның финанс идарәсе башлыгы Ирек Мөхәммәтшин «Фидакарь хезмәт өчен» медале белән бүләкләнде.

Шәһәрнең контроль-хисап палатасы аудиторы Ольга Дряминаны, Казанның хуҗалык-транспорт идарәсе машина йөртүчесе Алексей Матяшинны, «Казметрострой» АҖнең тимер-бетон эшләнмәләр заводы директоры Николай Хоревны, шулай ук шәһәрнең коррупциягә каршы эш һәм контроль идарәсе башлыгы вазифаларын башкаручы Дмитрий Шуралевны «Казанга намуслы хезмәте өчен» аерымлык билгеләре белән бүләкләделәр.

Казанның Мактау грамоталарын Казанның Идел буе һәм Вахитов районнары хәрби комиссары Михаил Венедиктовка, ТР Адвокатлар палатасы адвокаты Владимир Гусевка, «Горводзеленхоз» тресты МУП участогы башлыгы Ирина Овчинниковага тапшырдылар.

«Батыр» контракт хезмәтенә сайлап алу үзәге җитәкчесе Владислав Кузнецовка Казан Мэрының Рәхмәте тапшырылды.

Шәһәр мэры шулай ук ЮХИДИ өлкән инспекторлары Денис Гусаровны һәм Фәнис Миңнебаевны Казанның Мактау грамотасы белән бүләкләде. Патруль-пост хезмәте полиция хезмәткәре Александр Ключников, инспектор-кинолог Дарья Минейчева һәм метрополитенда полиция бүлеге командиры Альберт Хәбибуллин Казан мэрының Рәхмәт хаты белән бүләкләнделәр.