Илсур Метшин Казан шәһәр Думасының XI сессиясендә бүләкләр тапшырды

(Казан шәһәре KZN.RU, 16-нче декабрь, Ксения Швецова). Бүген дүртенче чакырылыш Казан шәһәр Думасының XI сессиясе утырышында Татарстан башкаласы Мэры Илсур Метшин шәһәр үсешенә зур өлеш керткән шәһәр халкына дәүләт һәм шәһәр бүләкләрен тапшырды.

«Татарстан Автономияле Совет Социалистик Республикасы төзелүгә 100 ел» медален Мэр ТР Дәүләт Советы депутаты, «Группа компаний «ЖИК города Казани» ҖЧҖ генераль директоры Эмиль Хөснетдиновка тапшырды.

Җәмәгать туклануы системасын үстерүдәге казанышлары һәм күпьеллык намуслы хезмәте өчен Азык-төлек һәм социаль туклану департаменты шеф-пешекчесе Сергей Рыжмановка «Татарстан Республикасының атказанган халыкка хезмәт күрсәтү өлкәсе хезмәткәре» дигән мактаулы исем бирелде.

«Татарстан Республикасының атказанган укытучысы» дигән мактаулы исемне Казанның Халыкара мәктәбе директоры Нияз Гафиятуллинга тапшырдылар.

Күпьеллык намуслы хезмәте һәм һөнәри эшчәнлектәге казанышлары өчен «Казан файдасына башкарган хезмәте һәм батырлыгы өчен» дигән хөрмәтләү билгесе белән шәһәр Башкарма комитетының Финанс идарәсе башлыгы урынбасары Светлана Сагадеева бүләкләнде.

Шәһәр хакына күпьеллык намуслы хезмәте һәм һөнәри эшчәнлектәге казанышлары өчен Мэр Казанның Мактау грамотасын «Таттелеком» ачык акционерлык җәмгыяте генераль директоры Айрат Нуретдиновка тапшырды.

Казанның Мактау грамотасы белән шулай ук «Казан шәһәре иҗтимагый үзәге» муниципаль казна учреждениесенең элеккеге директоры Диләрә Нуриеваны бүләкләделәр.

Моннан тыш, тантанада Туган телләр һәм халыклар бердәмлеге елы кысаларында узган проектларны тормышка ашыруга һәм чараларны уздыруга өлеш керткән шәһәрлеләргә бүләкләр тапшырылды.  «Казан файдасына башкарган хезмәте һәм батырлыгы өчен» дигән хөрмәтләү билгеләре белән республиканың халык шагыйрьләре Ренат Харисов һәм Рәдиф Гатауллинны бүләкләделәр.

Казан Мэрының Рәхмәт хаты журналист, җәмәгать эшлеклесе Рима Бикмөхәммәтова һәм Бөтендөнья татар яшьләре форумы активисты, 11-нче номерлы күппрофильле лицей укытучысы Рашат Якуповка  тапшырылды.

Казан Мэрының Рәхмәт хатын И.Метшин Казан шәһәре депутаты, «Дорстрой Комплектация» ҖЧҖ генераль директоры Рөстәм Рамазановка тапшырды.

Чаралар үткәрүдә ярдәм иткәннәре өчен Казан Мэрының Рәхмәт хатларын Татарстан халыклары дуслыгы йорты һәм Татарстан халыклары Ассамблеясе Советы коллективлары да алды. Бүләкне Мэр оешмаларның җитәкчеләренә – Татарстан Халыклар дуслыгы йорты директоры Ирек Шәриповка һәм Татарстан алыклары Ассамблеясе башкарма комитеты башлыгы Константин Яковлевка тапшырды.