И.Метшин Казан сөт комбинатын модернизацияләүнең барышы белән танышты Хәбәрләр

Казан мэры: «Раштуа күңелләрдә яхшылыкка ышаныч уятсын»

Илсур Метшин христианнарны Раштуа бәйрәме белән котлады

Казан Мэры: «Киләсе ел матур төсләр, күңелле тәэсирләр һәм вакыйгалар белән тулы булсын»
Илсур Метшин «Салават күпере» торак комплексында шәһәрдә иң зур поликлиника ачты
«Халык моның турында 55 ел хыялланды»: Казанда Вознесенск трактының икенче чираты буенча хәрәкәт башланды
Лысычанск һәм Рубежноеда яшәүчеләр Яңа ел алдыннан Казаннан 18 тонна мандарин алачак
Илсур Метшин: «Яктырту һәм яңару бәйрәме иман көчен һәм гаделлекнең үзгәрешсез тантанасын хәтерләтә»
Бер ел эчендә Казанда 1 млн 415 кв.м торак төзегәннәр — бу шәһәр өчен яңа рекорд
Татарстанда 25 декабрьдән янгынга каршы махсус режим гамәлгә кертелә
Шәһәр башлыгы һәр чыршы шәһәрчегенә район хакимиятеннән җаваплы кешене беркетергә кушты
Казанда каникулларда 54 дежур бригада һәм 100 махсус техника эшлиячәк
Казан мэры: «Һәркем үзенең хәрби яктан тотрыклы булмаган вакытта яшәвен аңларга тиеш»
Илсур Метшин: «Без — шәһәргә булган мәхәббәтебез берләштергән бердәм команда»
Казанда үзәк чыршы шәһәрчегенең өзлексез эшләвен дежур төркемнәр күзәтәчәк

(Казан шәһәре KZN.RU, 15-нче гыйнвар, Алена Мирошниченко). Казан сөт комбинатын модернизацияләү барышы белән бүген Казан Мэры Илсур Метшин танышты. Идел буенда сөт эшкәртү буенча иң эре заводларның берсендә этаплап яңарту өч ел ярым дәвам итә. Быел икенче этапны төгәлләү планлаштырыла, ул тәүлеккә 700 тоннага кадәр сөт эшкәртергә мөмкинлек бирәчәк. Бүгенге көндә монда тәүлегенә 500 тонна чимал эшкәртелә.

«Модернизацияләү буенча зур проектны тормышка ашыру планнары сөендерә. Яңа җиһазлар, продукциянең яңа линейкасы белән яңадан кораллануның ни дәрәҗәдә актив баруын күрәбез. Казан территориясендә заманча җитештерү булдыру мөһим. Димәк, авылда яшәүчеләребездә сөтләрен сату мөмкинлеге, ә безнең өчен - шәһәрнең азык-төлек иминлеге, кибетләребез киштәләрендә сатуда сыйфатлы һәм экологик чиста продукция күбрәк булачак», - диде И.Метшин.

«Казан сөт комбинаты» җаваплылыгы чикләнгән җәмгыяте - шәһәрнең иң борынгы предприятиеләренең берсе, аңа 1932 елда нигез салынган. Хәзерге вакытта ул Россия базарында сөт һәм әче сөт продукциясе, шул исәптән сөт коктейльләре, эремчек, йогурт, кефир, катык, ряженка, туңдырма һәм башкаларны тәкъдим итә. Бүгенге көндә предприятие тугыз бренд астында товарлар җитештерә, шул исәптән эре сәүдә челтәрләре өчен дә.

«Безнең авыл кешеләрендә - сөтләрен сату мөмкинлеге, ә бездә шәһәрнең азык-төлек иминлеге, кибетләребез киштәләрендә сатыла торган сыйфатлы һәм экологик чиста продукциянең зур палитрасы булачак»

Илсур Метшин

Казан Мэры

2017 елда Казан сөт комбинаты «Комос групп» җаваплылыгы чикләнгән җәмгыяте составына керде, сөт эшкәртү субхолдингының алтынчы җитештерү мәйданчыгы булды. Шул ук вакытта предприятиедә модернизацияләү буенча инвестицион проект гамәлгә ашырыла башлады. Аны өч этапта үткәрү планлаштырыла. Шәһәр башлыгына «Казан сөт комбинаты» җавалылыгы чикләнгән җәмгыяте генераль директоры урынбасары - идарәчесе Александр Габдрахманов сөйләгәнчә, беренче этап 2017 елның ахырыннан 2019 елның уртасына кадәр узды. Бу вакыт эчендә җитештерүдә сөт кабул итүне, аппарат участогын, ультрапастеризацияләнгән продукция участогын, галереяны, ПЭТ-шешәләргә тутыру һәм ферментация участогын тулысынча үзгәрттеләр, әзер продукция складына өлешчә ремонт ясалды. Болар барысы да предприятиегә тәүлегенә 350 тонна чамасы эшкәртергә мөмкинлек бирде.

Бүгенге көндә сөт заводында тәүлегенә 700 тоннага кадәр эшкәртү дәрәҗәсенә чыгарга тиешле икенче этап уза. Моның өчен 2021 ел ахырына кадәр десерт участогының берничә яңа линиясе булдырыла, склад, компрессор яңартыла. Шулай ук Tetra Pak төргәкләренә төрүнең ике яңа линиясе барлыкка килергә тиеш, эремчек җитештерү участогын ремонтлау планлаштырыла. Предприятиене модернизацияләүнең 3,5 елы эчендә тәүлегенә 500 тоннага кадәр сөт эшкәртүгә ирешелде.

Киләсе елда старт алачак өченче этапта инфраструктура үзгәрешләре планлаштырылган, алар компанияне тәүлегенә 900-1000 тоннага кадәр сөт эшкәртүгә чыгарачак.

Узган елның июлендә Казан сөт комбинаты Татарстан территориясендә эшчәнлек алып баручы система барлыкка китерүче предприятиеләр һәм оешмалар исемлегенә кертелгән. Шунысын билгеләп үтәргә кирәк, компания республикада үз продукциясенең 25%-ын гына сата. Калган продукция Россиянең 70 төбәгенә, шул исәптән Мәскәүгә, Санкт-Петербургка, Самара һәм Пермь өлкәләренә, Ханты-Мансийск автономияле округына һәм башка җирләргә җибәрелә. Моннан тыш, декабрьдә предприятие экспортка чыкты һәм Үзбәкстанга беренче 100 тонна продукциясен төяп җибәрде.

Карауда шулай ук Башкарма комитет җитәкчесе урынбасары Илдар Шакиров, Совет районы хакимияте башлыгы Роман Фәтхетдинов һәм башкалар катнашты.