Р.Миңнеханов һәм И.Метшин Изге Гурий  исемендәге православие гимназиясенең мәктәпкәчә белем бирү  рухи-агарту үзәгендә булды

(Казан шәһәре KZN.RU, 14-нче гыйнвар). Бүген Татарстан Республикасы Президенты Рөстәм Миңнеханов һәм Казан Мэры Илсур Метшин Рихард Зорге урамы, 25а йортында урнашкан Казанның Изге Гурий исемендәге православие гимназиясенең мәктәпкәчә белем бирү рухи-агарту үзәгендә булды.

Анда митрополит Кирилл (Наконечный), Тататрстан Республикасының Мәгариф һәм фән министрының беренче урынбасары Андрей Поминов һәм башкалар катнашты.

Яңа өч катлы  мәктәпкәчә белем бирү учреждениесе гимназиянең структур бүлекчәсе булып исәпләнә һәм рус православ чиркәвенең Казан Епархиясенә карый. Мәктәпкәчә белем бирү учреждениесе 120 балага исәпләнгән. Аудитория һәм сыйныфлардан тыш, әлеге комплекста бассейн, тозлы мәгарә, спорт залы һәм башка бүлмәләр  дә бар.

Республика башлыгы һәм Казан Мэры гимназия бинасын, мәктәпкәчә  белем алу сыйныфын, ясле төркемен, спорт залын  һәм башка бүлмәләрне карап чыкты. Кунакларга аңлатмаларны учреждение директоры протоиерей Алексей Чубаков бирде.

Р. Миңнеханов. шулай ук, мәктәпкәчә белем бирү учреждениесен үстерү планнары белән танышты, төзелеш һәм бизәү эшләренең сыйфатын һәм сыйныфларның җиһазланышын бәяләде. Ул дәресләрдә булган балалар белән аралашты.

Тәрбияви һәм белем бирү эшчәнлеге  педагог Ушинскийның «Рус классик мәктәбе» программасы буенча гамәлгә ашырыла дип хәбәр итә Татарстан Республикасы Президенты матбугат хезмәте.